المكونات والمقادير
لعمل الكابتشينو فى المنزل نحتاج الى كميات متساوية من النسكافية
والماء والسكر وهنا انا بستعمل النسكافية الكلاسيك العادى
لعشاق النسكافية بالرغوة هنا دة برطمان نسكافية صغير
انا هاعمل كمية منة ونحتفظ بية فى الفريرز نبدا
طريقة العمل والتحضير
نحضر وعاء عميق ونفضى برطمان النسكافية
ونملا نفس البرطمان بالسكر كمعيار
وبكدة يكون عندنا مقدار متساوى من السكر والنسكافية
نقلبهم مع بعض
ثم بنفس البرطمان نملئة بالماء ونسكبة فوق الخليط
يعنى لو تحبوا تعايرو بالكوب عادى خالص لو مثلا نقدر نقول
1 كوب نسكافية
1كوب سكر
1 كوب ماء
ونبدا نضربهم بالمضرب الكهربائى فى الاول بيكون اللون غامق بالشكل كدة
نستمر فى الخفق الى ان نحصل على خليط كريمى فاتح اللون بالشكل دة
ونحتفظ بالخليط دة فى الفريزر وليس الثلاجة وما تخافوش
هوة مش بيجمد قوى لا بيكون مسامة زى الايس كريم بالشكل دة
هنا بعد ما وضعناة فى الفريزر حبيت تشوفو شكلة
وعند الحاجة نحضر الفنجان ونضع معلقة من الخليط
ونغلى الحليب ونصبة على الخليط ونقلب كويس ولعمل اشكال مميزة
نحتاج الى شيكولاتة ذائبة ونرسم اشكال حسب الرغبة
وهنا دى اشكال مختلفة طبعا نضع الشيكولاتة فى كورنية من ورق الزبدة
ونبدأ الرسم اترككم مع الصور والاشكال المختلفة وبالهنا
** منوس ننوس
ليست هناك تعليقات:
إرسال تعليق