احتراف شطرنج

نصائح هامة لاحتراف الشطرنج ******************** - اللعب بأستمرار لفترة طويلة بلا انقطاع..يعنى الموضوع عايز نفس طويل و لا يصيبك اليأس لو حسيت انك بتخسر كتير او ان مستواك ثابت و ما بيزيد..لا بد من المثابرة.. - حدد لنفسك 3 او 4 افتتاحات فقط لا غير تدرسهم كويس و تتحسن فيهم و متلعبش غيرهم..و اعلم ان لعب افتتاحات كتيرة بتخلق لاعب ضعيف <<دى نصيحة من كاسباروف شخصيا..ازاى تعمل كده؟ تحدد لنفسك افتتاحين بس لو بتلعب بالاسود ..ف لو الابيض لعب افتتاح بيدق وزير يبقى تحدد لنفسك " الدفاع الهندى" على سبيل المثال.. و لو لعب الابيض افتتاح بيدق ملك تلعب الدفاع الصقلى secilian مثلا..و هكذا.. - السؤال التالى منك ..كيف اختار لنفسى الافتتاح المناسب؟ الجواب ان ده بيعتمد على مهاراتك و اسلوبك فى اللعب فلو انت تجيد الهجوم يبقى مناسب ليك افتتاحات الجامبيت التى تضحى فيها بيدق او اكثر من اجل الحصول على مساحة فى الرقعة و الهجوم على الملك.. - السؤال التالى منك..ازاى اشوف الافتتاحات دى كلها عشان بعد كده اختار المناسب منها؟الجواب انك تقرأ فى كتب الافتتاحات او تستخدم برنامج شطرنج قوى ..وانا ارشحلك Fritz 9 او Fritz 8 لان فى هذا البرنامج الرائع شجرة التفريعات كاملة..يعنى هتبدأ تذاكر اى افتتاح هتلاقى فى الشجرة كل النقلات الممكنة بتقيمها" يستخدم اللون الاخضر اى تلعبها..باللون الاحمر لا تلعبها ..مع استخدام علامات التعجب و الاستفهام و غيرها من الرموز الشطرنجية..اى نقلة تحب تشوف نتيجتها فقط اضغط عليها و كمل باقى التفريع على الشجرة و شوف النتيجة.. - الخطوة المهمة..انك لا يجب ان تذاكر الmain line فقط او التفريعات القوية فقط داخل الافتتاح..لازم تذاكر التفريعات الضعيفة التى ممكن ان يلعبها خصمك او رسيلك..عشان تقدر تعاقبه لما يلعب نقلة ضعيفة.. اخى الكريم لو قدرت تحقق الخطوات السابقة يبقى انت و قفت على اول الطريق الصحيح بس مش نهايته..لسه فيه حاجات كتيرة و قواعد مهمة جدا عشان توصل للاحترافية و للتقييم الدولى. انتبه *ليس المهم أن تعرف كل قواعد الشطرنج - الأهم أن تعرف متى يجب عليك أن تخالف هذه القواعد لكل قاعدة شواذ وأفضل قاعدة ألا تلتزم بقاعدة !!